Сіздерді шын жүректен Конституция күнімен құттықтаймыз!
Қоғамның өркендеуіне қарқын қосып, Қазақстан халқының бірлігіне жол бастаған Ата Заңда бекітілген республикамыздың тұғырлы қағидаттары бүгінде өзінің өміршеңдігін дәлелдеді. Қазақстан халықаралық қоғамдастықта лайықты орын алып, биік белеске көтерілгені осының айғағы.
Конституция - бұл Қазақстанның бүкіл дамуының векторы, мемлекетіміздің демократиялық дамуының негізі, елдегі тұрақтылықтың, бейбітшілік пен келісімнің кепілі, барлық қазақстандықтар үшін тең құқықтар мен мүмкіндіктердің кепілі. Біздің Конституциямызда көрсетілген саяси жүйенің орталығында адам, азамат және оның өмірі, құқықтары мен бостандықтары тұр.
Әрбір қазақстандық келешекке керуен тартқан мемлекетіміздің тұрақты дамуының кепілі Конституцияның мемлекет пен қоғам үшін ғана емес, өзінің жеке басы мен отбасы үшін де маңыздылығын терең сезінеді. Жылдан жылға біздің басты құндылықтарымыз – Тәуелсіздігіміз, Келісім мен Бірлігіміз нығая берсін. Әр шаңыраққа құт-береке, ырыс пен ынтымақ тілеймін. Ел іргесі аман, келешегіміз кемел болсын!
